من فوازيرى التى لم ترى النور الفن

بعد التحيه , بعد السلام
إصحوا يا ساده وبلاش ننام
مسحراتى بإسلوب جديد
وكل ليله هقول نشيد
ياليل ياعينى أنا زاد حنينى لفنون زمان
عبد الوهاب , عبد الحليم
والست ثومه والمهرجان
كان فن دافى
زى نبع صافى
دلوقتى ليه الفنون هوان
مسحراتى أنا وبهاتى وقالوا عنى
دا بهلوان
عاشق أغانى حلوه وقديمه
مليانه روعه وشوق وقيمه
وكل واحد ولا الوليمه
يارب يرجع فن زمان
يارب هدعى وأقول كمان
الفن يرجع زى ما كان
بدون خناقه
بكل رواقه
وكل رواق
وإصحى يانايم
وحد الرزاق
رمضان كريم ..